மேட்டூர் அணையின் நீர்வரத்து நொடிக்கு 1327 கன அடியாக சரிவு

நீர்மட்டம் 113.54 அடியாக உள்ளது

மேட்டூர், ஜன. 11–

மேட்டூர் அணையின் நீர்வரத்து நொடிக்கு 1327 கன அடியாக சரிந்து, நீர்மட்டம் 113.54 அடியாக உள்ளது.

காவிரியின் நீர் பிடிப்புப் பகுதிகளில் மழை இல்லாத காரணத்தாலும் கர்நாடக அணைகளில் இருந்து தமிழ்நாட்டிற்கு தண்ணீர் திறக்கப்படாத காரணத்தாலும் மேட்டூர் அணைக்கு வரும் நீர்வரத்து படிப்படியாக சரிந்து வந்தது.

நீர்மட்டம் 113.54 அடியாக சரிவு

நேற்று காலை வினாடிக்கு 1570 கன அடி வீதம் வந்து கொண்டிருந்த நீர்வரத்து இன்று காலை வினாடிக்கு 1327 கன அடியாக சரிந்தது. அணைக்கு வரும் நீரின் அளவு சரிந்ததால் 114.20 அடியாக இருந்த மேட்டூர் அணையின் நீர்மட்டம் இன்று காலை 113.54 அடியாக சரிந்தது.

அணையிலிருந்து காவிரி டெல்டா பாசனத்திற்கு நீர்மின் நிலையங்கள் வழியாக வினாடிக்கு 12,000 கன அடி வீதமும், கிழக்கு-மேற்கு கால்வாய் பாசனத்திற்கு வினாடிக்கு 400 கனஅடி வீதமும் தண்ணீர் திறக்கப்பட்டு வருகிறது. அணையின் நீர் இருப்பு 83.54 டி.எம்.சியாக இருந்தது.