செய்திகள்

தடுப்பூசி போட மறுப்போருக்குச் சிறை: பிலிப்பைன்ஸ் பிரதமர் எச்சரிக்கை

மணிலா, ஜூன் 22–

‘பிலிப்பைன்சில் கொரோனா தடுப்பூசியைப் போட மறுப்போருக்குச் சிறைத் தண்டனை விதிக்கப்படும்’ என அந்நாட்டுப் பிரதமர் ரொட்ரிகோ டுட்டார்ட்டே எச்சரிக்கை விடுத்துள்ளார்.

பிலிப்பைன்ஸ் தலைநகர் மணிலாவின் தடுப்பூசி நிலையங்கள் சிலவற்றில், தடுப்பூசி போட்டுக்கொள்ளக் குறைவானவர்களே சென்றுள்ளனர். இதையடுத்து அந்நாட்டுப் பிரதமர் ரொட்ரிகோ டுட்டார்ட்டே தெரிவித்துள்ளதாவது:–

நாட்டின் மொத்த மக்கள் தொகையான 110 மில்லியனில் (11 கோடி) இந்த ஆண்டுக்குள் 70 மில்லியன் (7 கோடி) பேருக்குத் தடுப்பூசி போடுவது அரசாங்கத்தின் இலக்கு. இதுவரை அங்கு 2.1 மில்லியன் (21 லட்சம்) பேருக்கு இரு டோஸ் தடுப்பூசி போடப்பட்டுள்ளது.

நாடு மருத்துவ நெருக்கடியில் இருக்கிறது. அரசின் ஆலோசனையை மக்கள் பொருட்படுத்த மறுக்கின்றனர். கொரோனா தடுப்பூசியைப் போட மறுப்போருக்குச் சிறைத் தண்டனை விதிக்கப்படும் என்றார்.

Leave a Reply

Your email address will not be published. Required fields are marked *