சென்னை, மார்ச் 15–
தங்கத்தின் விலை சவரனுக்கு ரூ.400 குறைந்து ரூ. 38,552 க்கு விற்பனை செய்யப்படுகிறது.
கடந்த மாதம் 24 ந்தேதி உக்ரைன் மீது ரஷ்யா ராணுவ நடவடிக்கை தொடங்கியது முதலாக தங்கத்தின் விலை கிடுகிடுவென உயரத் தொடங்கியது. கடந்த வாரத்தில் ஒரு சவரன் ஆபரணத் தங்கம் ரூ.40,500 ஐ கடந்து விற்பனை ஆனது. அதன்பிறகு, உக்ரைன்–ரஷ்யா இடையில் பேச்சுவார்த்தை தொடங்கியதை அடுத்து தங்கம் விலை சற்று குறையத் தொடங்கியது.
சவரனுக்கு ரூ.400 குறைவு
இந்நிலையில், இன்று காலையில் ஆபரணத் தங்கத்தின் விலை கிராமுக்கு ரூ.50 குறைந்து ரூ.4,819 க்கு விற்பனை செய்யப்படுகிறது. இதன்படி ஒரு சவரனுக்கு ரூ.400 குறைந்து ரூ.38,552 க்கு விற்பனை செய்யப்படுகிறது.
அதேபோல் வெள்ளியின் விலையிலும் பெரும் சரிவு ஏற்பட்டு உள்ளது. நேற்று ஒரு கிலோ வெள்ளி ரூ.74,200 க்கு விற்பனை செய்யப்பட்ட நிலையில், இன்று ஒரு கிலோ வெள்ளி ரூ.1400 குறைந்து ரூ.72,800 க்கும் ஒரு கிராம் வெள்ளி ரூ.72.80 க்கும் விற்பனை செய்யப்படுகிறது.
