செய்திகள்

ட்ரம்ப் அழைப்பை ஏற்று துருக்கி அதிபர் எர்டோகன் அமெரிக்கா செல்கிறார்

Spread the love

வாஷிங்டன், நவ. 7–

அமெரிக்க அதிபர் ட்ரம்ப்பின் அழைப்பை ஏற்று துருக்கி அதிபர் எர்டோகன் அமெரிக்கா செல்கிறார்.

துருக்கி எல்லையையொட்டிய சிரியாவில் குர்து போராளிகள் எல்லையோரப் பாதுகாப்புக்கு அச்சுறுத்தலாக உள்ளனர் என்று கூறி அவர்கள் மீது தாக்குதல் நடத்த துருக்கி அதிபர் எர்டோகன் உத்தரவிட்டார். இதனைத் தொடர்ந்து சிரியாவில் துருக்கிப் படையினர் தாக்குதல் நடத்தினர். துருக்கியின் தாக்குதல் காரணமாக சுமார் 4 லட்சம் மக்கள் சிரியாவின் வடக்குப் பகுதியிலிருந்து வெளியேறினர். பொதுமக்கள் பலர் கொல்லப்பட்டனர்.

சிரியா மீதான தாக்குதல் காரணமாக உலக நாடுகள் துருக்கி மீது விமர்சனங்கள் எழுப்ப, துருக்கி மற்றும் குர்துப் படை இடையே 5 நாள் போர் நிறுத்தம் ஏற்பட்டது. மேலும் துருக்கி மீது அமெரிக்கா விதித்த பொருளாதாரத் தடையையும் திரும்பப் பெற்றது.

இந்தநிலையில் அமெரிக்க அதிபர் ட்ரம்ப், துருக்கி அதிபர் எர்டோகன் ஆகியோர் தொலைபேசி வாயிலாகத் தொடர்புகொண்டு பேசினர். இதில் ஐஎஸ் இயக்கத்துக்கு எதிராக எடுக்கப்பட்ட கடுமையான நடவடிக்கைகள் குறித்து ஆலோசித்தனர். மேலும் துருக்கி – சிரிய எல்லையில் தற்போதைய நிலவரம் குறித்து இரு தலைவர்களும் பேசினர். இந்த உரையாடலில், அமெரிக்கா வர துருக்கி அதிபர் எர்டோகனுக்கு ட்ரம்ப் அழைப்பு விடுத்தார்.இந்த அழைப்பை ஏற்று நவம்பர் 13–ந் தேதி வெள்ளை மாளிகையில் ட்ரம்ப்பை சந்திக்க உள்ளார் எர்டோகன்.

Leave a Reply

Your email address will not be published. Required fields are marked *