செய்திகள்

தமிழகத்தில் நேற்று 1912 பேருக்கு கொரோனா

சென்னையில் 509 பேர்

தமிழகத்தில் நேற்று 1912 பேருக்கு கொரோனா

சென்னை, நவ.15–

தமிழகத்தில் நேற்று 1,912 பேருக்குக் கொரோனா தொற்று உறுதியாகியுள்ளது. மொத்த எண்ணிக்கை 7 லட்சத்து 56 ஆயிரத்து 372 பேர். சென்னையில் மட்டும் இதுவரை மொத்தம் 2 லட்சத்து 8 ஆயிரத்து 179 பேர் பாதிக்கப்பட்டு உள்ளனர்.

இன்று மட்டும் வெளிமாநிலத்திலிருந்து தமிழகத்துக்கு வந்தவர்களில் ஒருவருக்கும் தொற்று இல்லை எனத் தெரியவந்துள்ளது. அரசு அனுமதி அளித்தபின் அண்டை மாநிலம் மற்றும் வெளிநாடுகளிலிருந்து விமானம், ரெயில், சாலை மார்க்கமாக வந்தவர்கள் இன்றைய தேதி வரை மொத்த எண்ணிக்கை 16,70,645.

சென்னையில் 509 பேர்

சென்னையில் 509 பேர் கொரோனா தொற்றால் பாதிக்கப்பட்டுள்ளனர். நேற்று 666 பேர் டிஸ்சார்ஜ் செய்யப்பட்டுள்ளனர். இன்று சென்னை உள்ளிட்ட 37 மாவட்டங்களில் தொற்று எண்ணிக்கை வந்துள்ளது. சென்னையைத் தவிர 36 மாவட்டங்களில் 1,403 பேருக்குத் தொற்று உள்ளது. தற்போது 66 அரசு ஆய்வகங்கள், 142 தனியார் ஆய்வகங்கள் என 208 ஆய்வகங்கள் உள்ளன.

இந்த நிலையில் தமிழகத்தில் கொரோனா நோயாளிகள் எண்ணிக்கை, நிலை குறித்து இன்று பொது சுகாதாரத்துறை வெளியிட்ட அறிவிப்பில் கூறப்பட்டிருப்பதாவது:–

* தனிமைப்படுத்துதலில் உள்ளவர்களின் மொத்த எண்ணிக்கை 17,154

* மொத்தம் எடுக்கப்பட்ட மாதிரிகளின் எண்ணிக்கை 1,10,07,832.

* நேற்று ஒரு நாளில் எடுக்கப்பட்ட சோதனை மாதிரி எண்ணிக்கை 70,425.

* மொத்தம் தொற்று உள்ளவர்கள் எண்ணிக்கை 7,56,372.

* நேற்று தொற்று உறுதியானவர்கள் எண்ணிக்கை 1,912.

* சென்னையில் தொற்று உறுதியானவர்கள் எண்ணிக்கை 509.

* மொத்தம் தொற்று உள்ளவர்கள் எண்ணிக்கையில் ஆண்கள் 4,56,809 பேர். பெண்கள் 2,99,530 பேர். மூன்றாம் பாலினத்தவர் 33 பேர்.

* தொற்று உறுதியானவர்களில் ஆண்கள் 1,162 பேர். பெண்கள் 750 பேர்.

* நேற்று டிஸ்சார்ஜ் ஆனவர்கள் 2,494 பேர். மொத்தம் டிஸ்சார்ஜ் ஆனவர்கள் 7,27,752 பேர்

* நேற்று கொரோனா வைரஸ் நோய்த் தொற்றினால் 12 பேர் உயிரிழந்துள்ளனர். இதில் 6 பேர் தனியார் மருத்துவமனையிலும், 6 பேர் அரசு மருத்துவமனையிலும் உயிரிழந்துள்ளனர். இதில் சென்னையில் இன்று 4 பேர் உயிரிழந்துள்ளனர். இந்நிலையில் உயிரிழப்பு எண்ணிக்கை 11 ஆயிரத்து 466 ஆக உள்ளது. இதுவரை சென்னையில் மொத்தம் 3 ஆயிரத்து 762 பேர் உயிரிழந்துள்ளனர்.

முக்கியப் பிரச்சினையாக சுவாசப் பிரச்சினை, மாரடைப்பு, கோவிட் நிமோனியா ஆகியவை அதிக அளவு மரணத்துக்குக் காரணமாக உள்ளன. நீண்டகால நோயால் பாதிக்கப்பட்டிருந்தவர்கள் 12 பேர். எவ்விதப் பாதிப்பும் இல்லாதவர்கள் யாருமில்லை.

இவ்வாறு பொது சுகாதாரத்துறை தெரிவித்துள்ளது.

Leave a Reply

Your email address will not be published. Required fields are marked *