ஆமதாபாத், டிச. 7–
புரோ கபடி லீக் போட்டியின் நேற்றைய ஆட்டத்தில் உ.பி. யோத்தாஸ், பாட்னா பைரேட்ஸ் அணிகள் வெற்றி பெற்றன.
10-வது புரோ கபடி லீக் திருவிழா ஆமதாபாத்தில் நடந்து வருகிறது. இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோத்தாஸ் ஆகிய 12 அணிகள் விளையாடுகின்றன.
இந்த தொடரில் நேற்று நடைபெற்ற முதலாவது லீக் ஆட்டத்தில் தெலுங்கு டைட்டன்ஸ் – பாட்னா பைரேட்ஸ் அணிகள் மோதின. இந்த ஆட்டத்தில் பாட்னா அணி 50–-28 என்ற புள்ளி கணக்கில் வெற்றி பெற்றது. இதைத் தொடர்ந்து நடைபெற்ற 2-வது ஆட்டத்தில் உ.பி. யோத்தாஸ் – அரியானா ஸ்டீலர்ஸ் அணிகள் மோதின. இந்த போட்டியில் உ.பி.யோத்தாஸ் அணி 57-–27 என்ற புள்ளி கணக்கில் அரியானா ஸ்டீலர்ஸ் அணியை வீழ்த்தி வெற்றி பெற்றது.
