சினிமா

வெளியானது தளபதி 65 போஸ்டர்!

சென்னை, ஜீன் 22-

நடிகர் விஜய் இன்று தன் 47வது பிறந்தநாளை கொண்டாடுகிறார். அவருக்கு திரையுலகை சேர்ந்தவர்களும், ரசிகர்களும் சமூக வலைதளங்களில் வாழ்த்து தெரிவித்துக் கொண்டிருக்கிறார்கள்.

அவர் நெல்சன் திலீப்குமார் இயக்கத்தில் நடித்து வரும் தளபதி 65 படத்தின் தலைப்பை வெளியிட வேண்டும் என்று ரசிகர்கள் கேட்டு வந்தனர். இந்நிலையில் படத்திற்கு பீஸ்ட் என்று தலைப்பு வைத்து ஃபர்ஸ்ட் லுக் போஸ்டரை நேற்று மாலை 6 மணிக்கு படக்குழுவினர் வெளியிட்டார்கள்.

நேற்று நெல்சன் திலீப்குமாரின் பிறந்தநாள் என்பதால், ஃபர்ஸ்ட் லுக் அவர் சார்பிலும் வெளியிடப்பட்டதாக கருதப்பட்டது. இதையடுத்து நள்ளிரவு 12 மணிக்கு செகண்ட் லுக் வெளியாகி ரசிகர்களை மகிழ்ச்சியில் துள்ளிக்குதிக்க வைத்துள்ளது.

ஒரு ட்ரீட் கேட்டவர்களுக்கு இரண்டு கிடைத்துள்ளது. பீஸ்ட் படத்தின் முதல்கட்ட படப்பிடிப்பு ஜார்ஜியாவில் நடைப்பெற்று முடிவடைந்த நிலையில் இரண்டாம் கட்ட படப்பிடிப்பை வரும் ஜூலை மாதம் 1ம் தேதி சென்னையில் துவங்க இருக்கிறது.
பீஸ்ட் படத்திற்கு அனிருத் இசையமைக்கிறார்.

Leave a Reply

Your email address will not be published. Required fields are marked *