செய்திகள்

தமிழகம், புதுச்சேரியில் அடுத்த 3 நாட்களுக்கு மழை பெய்யும்: வானிலை மையம் தகவல்

சென்னை, செப்.10–

தமிழகம் மற்றும் புதுச்சேரியில் அடுத்த 3 நாட்களுக்கு லேசானது முதல் மிதமானது வரை மழை பெய்ய வாய்ப்புள்ளதாக சென்னை வானிலை மையம் தெரிவித்துள்ளது.

இது குறித்து சென்னை வானிலை மைய இயக்குனர் பாலச்சந்திரன் கூறுகையில்,

வளிமண்டலத்தில் நிலவும் குறைந்த காற்றழுத்த தாழ்வு நிலை காரணமாக அடுத்த 3 நாட்களுக்கு வேலூர், கிருஷ்ணகிரி, தர்மபுரி, சேலம், காஞ்சிபுரம் உள்ளிட்ட வட மாவட்டங்களில் கனமழை பெய்ய வாய்ப்புள்ளது. சென்னையில் ஓரிரு முறை மிதமான மழை பெய்ய வாய்ப்புள்ளது.

கன்னியாகுமரி முதல் கர்நாடகா வரை குறைந்த காற்றழுத்த நிலை தொடர்கிறது. குறைந்த காற்றழுத்தம் காரணமாக தென் மாவட்டங்களில் மழை பெய்ய வாய்ப்புள்ளது. தமிழகம் மற்றும் புதுச்சேரியில் லேசானது முதல் மிதமான மழை பெய்ய வாய்ப்புள்ளது என்று தெரிவித்துள்ளார்.

Leave a Reply

Your email address will not be published. Required fields are marked *