சென்னை, பிப். 28–
சென்னையில் ஆபரண தங்கத்தின் விலை ரூ. 400 குறைந்து ஒரு சவரன் 63ஆயிரத்து 680 க்கு விற்பனை செய்யப்படுகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. ஏற்ற, இறக்கத்துடன் காணப்பட்டு வந்த தங்கம் விலை கடந்த அக்டோபர் மாதம் ஒரு சவரன் ரூ.59 ஆயிரத்தை கடந்து புதிய உச்சத்தை தொட்டது. பின்னர் படிப்படியாக உயர்ந்து தங்கம் விலை ரூ.64 ஆயிரத்தை தொட்டது.
அதனை தொடர்ந்து, தங்கம் விலை ஏற்ற, இறக்கத்துடன் இருந்து வருகிறது. இந்நிலையில், பங்குச் சந்தையில் சென்செக்ஸ் ஏறிய நிலையில், கடந்த 3 நாட்களாக தங்கத்தின் விலை சற்று குறைந்து வருகிறது. அந்த வகையில் நேற்று தங்கம் விலை கிராமுக்கு ரூ.40ம், சவரனுக்கு ரூ.320 குறைந்து, ஒரு கிராம் ரூ.8 ஆயிரத்து 10 க்கும், சவரன் ரூ.64 ஆயிரத்து 80-க்கும் விற்பனை செய்யப்பட்டது.
சவரனுக்கு ரூ.400 குறைவு
இந்த நிலையில் இன்று தங்கம் விலை அதிரடியாக குறைந்துள்ளது. அதன்படி, சென்னையில் ஆபரண தங்கத்தின் விலை கிராமுக்கு 50 ரூபாய் குறைந்து ஒரு கிராம் ரூ.7ஆயிரத்து 960-க்கும் சவரனுக்கு 400 ரூபாய் குறைந்து ஒரு சவரன் ரூ.63ஆயிரத்து 680க்கு விற்பனை செய்யப்படுகிறது.
வெள்ளி விலையும் சற்று குறைந்துள்ளது. கிராமுக்கு ஒரு ரூபாய் குறைந்து ஒரு கிராம் வெள்ளி 105 ரூபாய்க்கும், கிலோவுக்கு ஆயிரம் ரூபாய் குறைந்து, பார் வெள்ளி 1,05,000 ரூபாய்க்கும் விற்பனை செய்யப்படுகிறது.
