செய்திகள்

இந்தியன் ஓவர்சீஸ் வங்கி அடிப்படை வட்டி விகிதம் 9.35 சதவீதமாக குறைப்பு

சென்னை, ஆக. 11

பொதுத் துறையைச் சேர்ந்த இந்தியன் ஓவர்சீஸ் வங்கி (ஐஓபி) அடிப்படை வட்டி விகிதத்தை 9.35 சதவீதமாக குறைத்துள்ளது.

இதுகுறித்து அந்த வங்கி வெளியிட்டுள்ள அறிக்கையில், வங்கியின் அடிப்படை வட்டி விகிதம் தற்போதைய 9.45 சதவீதத்திலிருந்து 0.10 சதவீதம் குறைக்கப்பட்டு 9.35 சதவீதமாக நிர்ணயிக்கப்பட்டுள்ளது. குறைக்கப்பட்ட இந்த வட்டி விகிதம் 2020 ஆகஸ்ட் 10ம் தேதியிலிருந்து நடைமுறைக்கு வரவுள்ளது என ஐஓபி தெரிவித்துள்ளது.

நிர்ணயிக்கப்பட்ட குறைந்தபட்ச அடிப்படை வட்டி விகிதத்துக்கு கீழாக வங்கி அதன் வாடிக்கையாளர்களுக்கு கடன் வழங்க முடியாது என்பது குறிப்பிடத்தக்கது. மும்பை பங்குச் சந்தை வர்த்தகத்தில் இந்தியன் ஓவர்சீஸ் வங்கியின் பங்கு முந்தைய தினத்தைக் காட்டிலும் 0.58 சதவீதம் உயர்ந்து ரூ.10.38-ஆக இருந்தது.

Leave a Reply

Your email address will not be published. Required fields are marked *