செய்திகள்

அம்மனுக்கு காய்ச்சிய கொதிக்கும் கூழில் தவறி விழுந்தவர் பலி

மதுரை, ஆக. 2

அம்மனுக்கு காய்ச்சிய கொதிக்கும் கூழில் தவறி விழுந்து பக்தர் ஒருவர் பலியாகி உள்ளார். மதுரை பழங்காநத்தம் பகுதியில் முத்துமாரியம்மன் கோவிலில் ஆடி வெள்ளியை முன்னிட்டு அம்மனுக்கு கூழ் காய்ச்சியபோது கொதிக்கும் கூழில் பக்தர் ஒருவர் தவறி விழும் சிசிடிவி காட்சிகள் வெளியாகி உள்ளது. இந்த கோவிலில் கடந்த வெள்ளிக்கிழமை அன்று பக்தர்கள் அன்பளிப்பாக வழங்கிய பொருட்களை வைத்து அம்மனுக்கு கூழ் காய்ச்சும் பணி நடைபெற்றது.

அப்போது முத்துக்குமார் என்கின்ற முருகனுக்கு எதிர்பாராத விதமாக வலிப்பு நோய் வந்ததால் நிலை தடுமாறி, அருகில் இருந்த கொதிக்கும் கூழ் அண்டாவில் விழுந்தார். உடனே அங்கிருந்தவர்கள் அவரை மீட்டு மருத்துவமனையில் சேர்த்தனர். 65 சதவீதத்திற்கு மேல் தீக்காயம் இருந்ததால் அவர் சிகிச்சை பலனின்றி உயிரிழந்தார்.

Leave a Reply

Your email address will not be published. Required fields are marked *