வர்த்தகம்

லட்சுமி விலாஸ் வங்கி இயக்குநர் குழுவுக்கு ரிசர்வ் வங்கி ஒப்புதல்

புதுடெல்லி, செப். 29

லட்சுமி விலாஸ் வங்கியின் அன்றாட விவகாரங்களை கவனிக்க அமைக்கப்பட்ட 3 தனிப்பட்ட இயக்குநர்களைக் கொண்ட குழுவுக்கு ரிசர்வ் வங்கி கடந்த 27ந் தேதியன்று ஒப்புதல் அளித்துள்ளது.

இதுகுறித்து லட்சுமி விலாஸ் வங்கி வெளியிட்ட அறிக்கையில் தெரிவித்துள்ளதாவது:

மீட்டா மக்ஹான் இந்த குழுவின் தலைவராக செயல்படுவார்.

மேலும், சக்தி சின்ஹா, சதீஷ் குமார் கல்ரா ஆகியோர் குழுவின் உறுப்பினர்களாக இருப்பர். இந்த இயக்குநர் குழு இடைக்காலத்தில் நிர்வாக இயக்குநர் மற்றும் தலைமைச் செயல் அதிகாரியின் அதிகாரத்துடன் செயல்பட்டு வங்கியை வழிநடத்தும்.

செப்டம்பர் 27ந் தேதி நிலவரப்படி வங்கியின் பணப்புழக்க பாதுகாப்பு விகிதம் 262 சதவீதமாக உள்ளது. ரிசர்வ் வங்கி விதிமுறைப்படி இது குறைந்தபட்சம் 100 சதவீதம் இருந்தாலே போதுமானது. தற்போது இந்த சதவீதம் தேவையைவிட அதிகமாக இருப்பதன் காரணமாக வைப்புத் தொகை வைத்திருப்பவர்கள், கடன் பத்திரங்களில் முதலீடு செய்திருப்பவர்கள், வங்கியில் கணக்கு வைத்திருப்பவர்கள் மற்றும் வங்கிக்கு கடன் வழங்குபவர்கள் மிகவும் பாதுகாப்பாக இருப்பதாக அந்த அறிக்கையில் லட்சுமி விலாஸ் வங்கி தெரிவித்துள்ளது.

Leave a Reply

Your email address will not be published. Required fields are marked *