செய்திகள்

இந்த வாரமும் சரிவுடன் தொடங்கிய தங்கம் விலை: சவரனுக்கு ரூ.88 குறைவு

சென்னை, பிப். 8–

ஆபரணத் தங்கத்தின் விலை இன்றும் ரூ.88 குறைந்து, சவரன் ரூ. 35,664 க்கு விற்பனையாவது, வாடிக்கையாளர்களிடையே மகிழ்ச்சியை ஏற்படுத்தியுள்ளது.

தொழில்துறை தேக்கத்தைத் தொடர்ந்து பங்குச்சந்தை, ரியல் எஸ்டேட், அமெரிக்க டாலர்கள் என பலவற்றில் இருந்த முதலீடுகளையும், பாதுகாப்பானதாக கருதப்படும் தங்கத்தில் முதலீட்டாளர்கள் முதலீடு செய்து வருகின்றனர். இதனால், தங்கத்தின் தேவை அதிகரித்து அதன் விலை உயர்ந்து வருகிறது. இதனால், கடந்த ஒரு மாதமாக தங்கம் விலை ஏறியும், இறங்கியும் வருகிறது.

கடந்த வாரத்தில் மட்டும் சுமார் ரூ.1600 வரை குறைந்துள்ளது. இது தங்கம் வாங்கும் வாடிக்கையாளர்களிடையே மகிழ்ச்சியை ஏற்படுத்தியது.

இந்த நிலையில், இந்த வாரத்தையும் தங்கம் விலை சரிவுடனே தொடங்கியுள்ளது. சென்னையில் 22 கேரட் ஆபரணத் தங்கத்தின் விலை சவரனுக்கு ரூ.88 குறைந்து ரூ.35,664 க்கு விற்பனை செய்யப்படுகிறது. கிராம் தங்கம் ரூ.11 சரிந்து ரூ.4,469க்கு விற்பனையாகிறது. அதேபோல் ஒரு கிராம் வெள்ளியின் விலை கிராமுக்கு 30 காசு குறைந்து ரூ.73.10 க்கு விற்பனை செய்யப்படுகிறது.

Leave a Reply

Your email address will not be published. Required fields are marked *