செய்திகள்

புதுடெல்லி, டிச.1- நாட்டின் பொருளாதார வளர்ச்சி 7.6 சதவீதமாக உயர்ந்துள்ளது. ஒரு நாட்டின், மொத்த உள்நாட்டு உற்பத்தியின் (ஜி.டி.பி) அளவை பொறுத்து, அதன் பொருளாதாரத்தின் நிலை குறிப்பிடப்படுகிறது. இந்த நிலையில் இந்தியாவின் மொத்த உள்நாட்டு உற்பத்தி நடப்பு 2023–24 நிதியாண்டின் 2வது காலாண்டில், அதாவது ஜூலை–செப்டம்பர் காலாண்டில் 7.6 சதவீத வளர்ச்சியை கண்டுள்ளது. இது பொருளாதார ஆய்வாளர்களின் எதிர்பார்ப்புகளை விட அதிகம் என்று தேசிய புள்ளியியல் அலுவலகம் வெளியிட்ட தரவுகள் கூறுகின்றன. குறிப்பாக, சிமெண்டு, நிலக்கரி, கச்சா […]

பெங்களூர், டிச.1– கர்நாடக மாநிலம் பெங்களூருவில் உள்ள 15 பள்ளிகளுக்கு மின்னஞ்சல் மூலமாக வெடிகுண்டு மிரட்டல்கள் விடுக்கப்பட்டுள்ளது. இதனையடுத்து அந்த பள்ளிகளுக்கு விடுமுறை அறிவிக்கப்பட்டு, மாணவர்கள் மற்றும் ஆசிரியர்களை வெளியேற்றப்பட்டனர். குழந்தைகள் பாதுகாப்பாக வீட்டிற்கு திருப்பி அனுப்பப்பட்டனர். இது குறித்து பள்ளி நிர்வாகத்தினர் போலீசாருக்கு தகவல் கொடுத்தனர். இதனை தொடர்ந்து விரைந்து வந்த போலீசார் பள்ளிக்கூடங்களில் தீவிர சோதனை நடத்தினர். இந்த சோதனையில் வெடிகுண்டு மிரட்டல் போலியானது என்பதை கண்டுபிடித்தனர். அதேவேளை, வெடிகுண்டு மிரட்டல் விடுக்கப்பட்ட பள்ளிகளில் […]

இந்திய வானிலை ஆய்வு மையம் கணிப்பு சென்னை, டிச. 1- வங்கக் கடல் பகுதியில் உருவான காற்றழுத்தத் தாழ்வுப் பகுதி காற்றழுத்தத் தாழ்வு மண்டலமாக வலுப்பெற்றுள்ளது. இது மேலும் வலுப்பெற்று 3-ல் புயலாக உருவாகி டிசம்பர் 4ம் தேதி மாலை சென்னை – ஆந்திர மாநிலம் மசூலிப்பட்டினம் இடையே கரையைக் கடக்கும் என இந்திய வானிலை ஆய்வு மையம் கணித்துள்ளது. இது குறித்து இந்திய வானிலை ஆய்வு மையம் வெளியிட்டுள்ள அறிக்கையில் கூறியிருப்பதாவது:– அந்தமான் அருகே உருவாகி, […]

சென்னை, நவ.30– முதலமைச்சர் மு.க.ஸ்டாலின் இன்று சென்னை, ரிப்பன் மாளிகை, பெருநகர சென்னை மாநகராட்சி அலுவலகத்தில் அமைக்கப்பட்டுள்ள ஒருங்கிணைந்த கட்டளை மற்றும் கட்டுப்பாட்டு மையத்திற்கு நேரில் சென்று, கனமழையால் பாதிக்கப்பட்டுள்ள பகுதிகளில் தேங்கியுள்ள மழைநீரை வெளியேற்ற எடுக்கப்பட்டு வரும் நடவடிக்கைகள் மற்றும் மீட்புப் பணிகள் குறித்து ஆய்வு மேற்கொண்டார். அப்போது மாநகராட்சி முழுவதும் மேற்கொள்ளப்படும் பணிகள் குறித்து அதிகாரிகளிடம் கேட்டறிந்தார். எடுக்கப்பட்ட நடவடிக்கைகள் குறித்து அமைச்சர்கள், மேயர் மற்றும் அதிகாரிகள் ஸ்டாலினுக்கு விளக்கம் அளித்தனர். அவசர கட்டுப்பாட்டு […]

சென்னை, நவ.30– சென்னை உலகத் தமிழாராய்ச்சி நிறுவனத்தில் 2024–ம் ஆண்டிற்கான ஓராண்டு கல்வெட்டியல் மற்றும் தொல்லியல், அகழாய்வுக்கான பட்டய வகுப்பு–2024 ஜனவரி முதல் தொடங்கப்பட உள்ளது. இவ்வகுப்பில் கல்வெட்டியல், தொல்லியல் வழி தமிழக வரலாறு, மொழி, பண்பாடு, கலை, இலக்கியம் குறித்து அறிந்து கொள்வதற்கும், கல்வெட்டுப் படியெடுத்தல் மற்றும் ஆவணப்படுத்தலுக்கான பயிற்சியும் அளிக்கப்படும். இதில் ஆர்வமுள்ளவர்கள் விண்ணப்பிக்கலாம். இப்பட்டய வகுப்பு வார விடுமுறை நாளான ஞாயிறுதோறும் (முழுநேரம்) நேரடியாக ஓராண்டுக் காலம் நிறுவனத்தில் நடைபெறும். இப்பட்டய வகுப்பிற்கான […]

ஆவடியில் 19 செ.மீ.மழை: 8 விமானங்கள் ரத்து சாலைகளில் தேங்கிய மழை நீரை அகற்றும் பணியில் மாநகராட்சி ஊழியர்கள் சென்னை, நவ. 30– சென்னையில் நேற்று முதல் பெய்து வரும் கனமழை காரணமாக நகரின் பல பகுதிகளில் வெள்ள நீர் தேங்கியுள்ளது. வீடுகளுக்குள் தண்ணீர் புகுந்தது. சாலை, தெருக்கள் எல்லாம் வெள்ளக்காடாக உள்ளது. ஆங்காங்கே ஆட்டோ, ஸ்கூட்டர்கள் சிக்கி கொண்டன. இதனால் மக்களின் இயல்பு வாழ்க்கை பாதிப்பு அடைந்தது. சாலைகளில் தேங்கிய மழை நீரை அகற்றும் பணியில் […]

சென்னை, நவ.30– யானைக்கவுனி பகுதியில் மழை பாதிப்புகளை குறித்து அமைச்சர் பி.கே.சேகர்பாபு ஆய்வு செய்தார். அவருடன் சென்னை மாநகராட்சி மேயர் பிரியாவும் ஆய்வு மேற்கொண்டார். பின்னர் செய்தியாளர்களை சந்தித்த அமைச்சர் பி.கே.சேகர்பாபு கூறியதாவது:-– 2,700 கி.மீ. அளவுக்கு புதிய மற்றும் பழைய மழைநீர் வடிகால்கள் அகலப்படுத்தப்பட்டுள்ளன. சென்னையில் உள்ள அனைத்து மழைநீர் வடிகால்களும் தூர்வாரப்பட்டுள்ளன. மழைநீர் வடிந்து செல்லும் அளவிற்கு கால்வாய்கள் சீரமைக்கப்பட்டுள்ளன. அரசின் நடவடிக்கையால் வால்டாக்ஸ் சாலையில் தண்ணீர் நிற்கவில்லை. தொடர் மழையால் ஒரு சில […]

புழல் ஏரியிலிருந்து நீர் திறப்பு 2 ஆயிரம் கன அடியாக உயர்வு காஞ்சிபுரம், நவ. 30– செம்பரம்பாக்கம் ஏரிக்கு வரும் நீர்வரத்தின் அளவு சற்று குறைந்து வருவதால், ஏரியில் இருந்து இன்று காலை திறக்கப்பட்ட உபரி நீர் திறப்பு 6,000 கன அடியிலிருந்து 4 ஆயிரம் கன அடியாக குறைக்கப்பட்டுள்ளது. அதேபோல புழல் ஏரியிலிருந்து நீர் திறப்பு 2 ஆயிரம் கன அடியாக உயர்த்தப்பட்டுள்ளது. வடகிழக்கு பருவ மழை தீவிரமடைந்து வருவதால், சென்னை குடிநீர் ஏரிகளுக்கு நீர் […]

பெங்களூரு, நவ. 30– விண்வெளித் துறை தொடர்பான பிரான்ஸ் மற்றும் இந்தியா இடையேயான கூட்டு நடவடிக்கையில் முக்கியப் பங்காற்றிய இஸ்ரோ விஞ்ஞானி லலிதாம்பிகாவுக்கு பிரான்ஸ் நாட்டின் உயரிய விருது வழங்கப்பட்டுள்ளது. பிரான்ஸ் பேரரசர் நெப்போலியன் போனபார்ட், 1802-ல், ‘லெஜியன் ஆப் ஹானர்’ என்ற விருதை உருவாக்கினார். பிரான்சுக்கு சிறந்த சேவை செய்தவர்களுக்கு, இந்த விருது வழங்கப்படுகிறது. நாட்டின் உயரிய விருதாகக் கருதப்படும் இது வெளிநாட்டினருக்கும் வழங்கப்படுகிறது. அந்த வகையில், இந்திய விண்வெளி ஆராய்ச்சி மையத்தின் (இஸ்ரோ) மனித […]