சென்னை, பிப்.4–
சென்னையில் ஆபரணத்தங்கத்தின் விலை சவரனுக்கு ரூ. 640 குறைந்து, 2வது நாளாக சரிவை சந்தித்துள்ளது.
மத்திய பட்ஜெட்டில், தங்கம், வெள்ளி பொருட்களுக்கான இறக்குமதி வரி அதிகரிக்கப்பட்டு உள்ளது. இதன் காரணமாக தங்கம் விலை புதிய உச்சம் தொட்டு வரலாறு காணாத வகையில் உயர்ந்தது. ஒரு பவுன் தங்கம் ரூ.44 ஆயிரத்தை தாண்டியது. வெள்ளி விலையும் ஒரு கிராம் ரூ.77.80 ஆக உயர்ந்து புதிய உச்சம் தொட்டது.
இந்த நிலையில் சென்னையில் 22 காரட் ஆபரணத் தங்கத்தின் விலை நேற்று கிராமுக்கு ரூ. 90 குறைந்து ஒரு கிராம் ரூ. 5,415-க்கும், சவரனுக்கு ரூ.720 குறைந்து ஒரு சவரன் ரூ. 43,320 விற்பனை செய்யப்பட்டது. ஒரு கிராம் வெள்ளி ரூ.1.80 குறைந்து ரூ.76க்கு விற்பனை செய்யப்பட்டது.
இதனை தொடர்ந்து 2வது நாளாக இன்றும் தங்கத்தின் விலை குறைந்துள்ளது. சென்னையில் ஆபரணத்தங்கத்தின் விலை சவரனுக்கு ரூ.640 குறைந்து 42,680 ரூபாய்க்கும், கிராமுக்கு 80 குறைந்து ரூ.5335க்கும் விற்பனை செய்யப்படுகிறது.
ஒரு கிராம் வெள்ளி ரூ.1.80 குறைந்து ரூ.74.20க்கு விற்பனை செய்யப்படுகிறது. ஒரு கிலோ வெள்ளி 74 ஆயிரத்து 200க்கு விற்பனையாகிறது.
