செய்திகள்

விழுப்புரம் அருகே டிப்பர் லாரி மோதி பாட்டி – பேத்தி மரணம்

Spread the love

விழுப்புரம் ஜூன் 20

விழுப்புரத்தை அடுத்து புருஷனூர் கிராமத்தை சேர்ந்த நாகராஜ் என்பவரது மனைவி நாவம்மாள் (வயது 50), இவரது மகன் கார்த்திக். கார்த்திக்கின் மகள் நந்தினி (வயது 4). இன்று காலை நாவம்மாள், பேத்தி நந்தினியுடன், தனது தங்கை மகன் குணராஜின் மோட்டார் சைக்கிளில் ஏகே குச்சிப்பாளையம் கிராமத்தில் இருந்து பஞ்சமாதேவி என்ற இடத்துக்கு சென்று கொண்டிருந்தார்.

விழுப்புரம் – கும்பகோணம் தேசிய நெடுஞ்சாலையில் சென்று கொண்டிருந்த போது அங்கிருந்த மணல் மேட்டில் மீது ஏறிய மோட்டார் சைக்கிள் திடீரென நிலைதடுமாறியது. இதனால் நாவம்மாள் மற்றும் நந்தினி கீழே ரோட்டில் விழுந்தனர். அப்பெழுது சென்னையில் இருந்து கும்பகோணம் நோக்கி சென்ற டிப்பர் லாரி அவர்கள் 2 பேர் மீதும் மோதியது. இதில் நாவம்மாள் மற்றும் நந்தினி ஆகியோர் சம்பவ இடத்திலேயே உயிரிழந்தனர்.

வளவனூர் போலீசார் சம்பவ இடத்திற்கு விரைந்து சென்று பிரேதத்தை கைப்பற்றி முண்டியம்பாக்கம் அரசு மருத்துவ மனைக்கு அனுப்பி வைத்தனர். இது குறித்து போலீசார் வழக்குப்பதிவு செய்து தப்பி ஓடிய லாரி டிரைவரை தேடி வருகின்றனர்.

Leave a Reply

Your email address will not be published. Required fields are marked *