செய்திகள்

மேட்டூர் அணைக்கான நீர்வரத்து 18 ஆயிரம் கன அடியாக உயர்வு

மேட்டூர், ஜூலை 29–

மேட்டூர் அணைக்கு வரும் நீரின் அளவு வினாடிக்கு 18,058 கன அடியாக அதிகரித்துள்ளது.

மேட்டூர் அணையிலிருந்து காவிரி டெல்டா பாசனத்திற்காக ஜூன் 12 ஆம் தேதி முதல் தண்ணீர் திறக்கப்பட்டது. அப்போது 103.35 அடியாக இருந்த மேட்டூர் அணை நீர்மட்டம் படிப்படியாக குறைந்தது. கடந்த 45 நாட்களில் மேட்டூர் அணையின் நீர்மட்டம் 40 அடிக்கு மேல் குறைந்து, அணையின் நீர்மட்டம் 60 அடி அளவுக்கு சென்றது. காவிரியின் நீர்ப்பிடிப்பு பகுதிகளில் மழை இல்லாத காரணத்தால் மேட்டூர் அணைக்கு வரும் நீரின் அளவு வெகுவாக குறைந்திருந்தது.

நீர்மட்டம் உயர்வு

இந்நிலையில், காவிரி நீர்ப்பிடிப்பு பகுதிகளான கர்நாடக மாநிலத்தில் கடந்த 10 நாட்களுக்கும் மேலாக கனமழை பெய்தது. இதனால், அங்குள்ள கபினி, கிருஷ்ணராஜ சாகர் உள்ளிட்ட அணைகளுக்கும் நீர்வரத்து அதிகரித்தது. இதனால், அணையின் பாதுகாப்பை கருதி, கர்நாடகா உபரிநீரை காவிரியில் திறந்துவிட்டது. இதனால், கடந்த 4 நாட்களாக ஒகேனக்கல்லில் நீர்வரத்து அதிகரித்ததால், பரிசல் இயக்கவும் சுற்றுலா பயணிகள் குளிக்கவும் தடை விதிக்கப்பட்டது.

இந்நிலையில் மேட்டூர் அணை நீர்மட்டம் இன்று காலை 65.01 அடியிலிருந்து 65.53 அடியாக உயர்ந்துள்ளது. அணைக்கு வரும் நீரின் அளவு வினாடிக்கு 15,232 கன அடியிலிருந்து 18,058 கன அடியாக அதிகரித்துள்ளது. மேட்டூர் அணையில் இருந்து காவிரி டெல்டா பாசனத்திற்கு வினாடிக்கு 12,000 கன அடி வீதம் தண்ணீர் திறக்கப்படுகிறது. அணையின் நீர் இருப்பு 28.98 டி.எம்.சி ஆக உள்ளது.

Loading

Leave a Reply

Your email address will not be published. Required fields are marked *