செய்திகள்

நாங்கள் ஆட்சிக்கு வந்தால் ஐதராபாத் பெயர் மாற்றப்படும்

ஐதராபாத்,நவ.9–

தெலுங்கானாவில் அதிகப்படியான இடங்களில் பாரதீய ஜனதா வெற்றி பெறும். மாநிலத்தின் வளர்ச்சி தான் எங்களின் முதல் நோக்கம். அடுத்தபடியாக ஐதராபாத் பெயர் பாக்யநகர் என மாற்றப்படும் என பாரதீய ஜனதா எம்எல்ஏ ராஜா சிங் தெரிவித்துள்ளார்.

தெலுங்கானாவில் டிசம்பர் 7 ம் தேதி சட்டசபை தேர்தல் நடைபெற உள்ளது. இந்நிலையில் பாரதீய ஜனதா எம்எல்ஏவான ராஜா சிங் கூறுகையில், 1590 ல் அலி குதுப் ஷா, பாக்யநகர் என்ற பெயரை ஐதராபாத் என மாற்றினார். பாரதீய ஜனதா ஆட்சிக்கு வந்தால் ஐதராபாத் மீண்டும் பாக்யநகர் என பெயர் மாற்றப்படும். இதே போன்று செகந்திராபாத் மற்றும் கரீம்நகர் ஆகியவற்றின் பெயர்களும் மாற்றப்படும்.

முகலாயர்கள் மற்றும் நிஜாம்கள் காலத்தில் மாற்றப்பட்ட பெயர்களும் தெலுங்கானாவிற்காகவும், நாட்டிற்காகவும் போராடியர்களின் பெயர்களாக மாற்றப்படும் என்றார். முன்னதாக குஜராத் துணை முதல்வர் நிதின் படேல், அமதாபாத் நகரம் கர்னாவதி என மாற்றப்படும் எனவும், உத்தரபிரதேச முதல்வர் யோகி ஆதித்யநாத், பைசாபாத் நகரம் அயோத்யா என பெயர் மாற்றப்படும் எனவும் கூறி இருந்தது குறிப்பிடத்தக்கது.

Leave a Reply

Your email address will not be published. Required fields are marked *