சென்னை, பிப்.17–
சென்னையில் ஆபரணத் தங்கம் விலை இன்று சவரனுக்கு ரூ.240 குறைந்து, ரூ.42,000க்கு விற்பனையாகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் ஏற்ற, இறக்கங்கள் நிலவுகின்றன. கடந்த சில நாட்களுக்கு முன்னர் தங்கத்தின் விலை உச்சத்தை தொட்டது. ஆனால் இந்த வாரம் திங்கட்கிழமை தொடங்கி இன்று வரை தொடர்ந்து 5 நாட்களாக தங்கம் விலை குறைந்துள்ளது.
சென்னையில் இன்று ஆபரணத் தங்கத்தின் விலை கிராமுக்கு ரூ.30 குறைந்து, ரூ.5,250-க்கு விற்பனையாகிறது. சவரனுக்கு ரூ.240 குறைந்து ரூ.42,000-க்கு விற்பனையாகிறது.
24 காரட் சுத்த தங்கத்தின் விலை 8 கிராம் ரூ.44,896க்கு விற்பனையாகிறது. இதேபோல் ஒரு கிராம் வெள்ளி ரூ.71.20க்கு விற்பனையாகிறது. ஒரு கிலோ பார் வெள்ளியின் விலை ரூ.71,200 ஆக உள்ளது.
