சென்னை, டிச.9-
தமிழகத்தில் இதுவரை அரசு வேலைவாய்ப்புக்காக 67.61 லட்சம் பேர் பதிவு செய்துள்ளதாக அரசு கூறியுள்ளது. இதுதொடர்பாக கடந்த நவம்பர் மாதம் 30-ந் தேதி வரையிலான பதிவு தொடர்பான தரவுகளை வேலை வாய்ப்பகம் வெளியிட்டுள்ளது.
அதன்படி, அரசு வேலை வாய்ப்புக்காக 67 லட்சத்து 61 ஆயிரத்து 363 பேர் பதிவு செய்துள்ளனர். அவர்களில் 31 லட்சத்து 56 ஆயிரத்து 007 பேர் ஆண்கள், 36 லட்சத்து 5 ஆயிரத்து 86 பேர் பெண்கள், 270 பேர் மூன்றாம் பாலினத்தவர்.
அவர்களில் 18 வயதுக்கு உட்பட்ட பள்ளி மாணவர்கள் 18.62 லட்சம்; 19 முதல் 30 வயதுள்ளவர்கள் 28.30 லட்சம்; 31 முதல் 45 வயதுடையவர்கள் 18.32 லட்சம்; 46 வயது முதல் 60 வயதுடையவர்கள் 2.30 லட்சம்; 60 வயதுக்கு மேற்பட்டோர் 5,624 பேர் என்று அதில் கூறப்பட்டுள்ளது.
அரசு வேலைக்காக காத்திருக்கும் மொத்த நபர்களின் எண்ணிக்கையில் 1 லட்சத்து 43 ஆயிரத்து 396 பேர் மாற்றுத்திறனாளிகள் என்று அந்தத் தரவில் கூறப்பட்டுள்ளது.
