சென்னை, மார்ச் 4–
சென்னையில் ஆபரணத் தங்கத்தின் விலை இன்று சவரனுக்கு ரூ.560 உயர்ந்து ரூ.64,080 க்கு விற்பனை செய்யப்படுகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. ஏற்ற, இறக்கத்துடன் காணப்பட்டு வந்த தங்கம் விலை கடந்த அக்டோபர் மாதம் ஒரு சவரன் ரூ.59 ஆயிரத்தை கடந்து புதிய உச்சத்தை தொட்டது. பின்னர் படிப்படியாக உயர்ந்து தங்கம் விலை ரூ.64 ஆயிரத்தை தொட்டது.
சவரனுக்கு ரூ.560 உயர்வு
அதனை தொடர்ந்து, தங்கம் விலை ஏற்ற, இறக்கத்துடன் இருந்து வருகிறது. இந்நிலையில் சென்னையில் 22 கேரட் ஆபரணத் தங்கத்தின் விலை இன்று கிராமுக்கு ரூ.70 உயர்ந்து ரூ.8,010-க்கும், சவரனுக்கு ரூ.560 உயர்ந்து ரூ.64,080-க்கும் விற்பனை செய்யப்படுகிறது. அதேபோல் வெள்ளி விலையும் கிராமுக்கு ரூ.1 உயர்ந்து ரூ.107-க்கும் ஒரு கிலோ கட்டி வெள்ளி ரூ.1,07,000 க்கும் விற்பனை செய்யப்படுகிறது.
