சென்னை, ஜூன் 26–
சென்னையில் தங்கம் விலை சவரனுக்கு ரூ. 120 உயர்ந்து ரூ. 43,760-க்கு விற்பனை செய்யப்படுகிறது.
தங்கத்தின் அண்மையில் விலை உயர்வதும், குறைவதும் அவ்வப்போது நிகழ்ந்து வரும் ஒன்றாக இருந்து வருகிறது. ஆனால், சென்னையில் தங்கத்தின் விலை கடந்த சில நாள்களாக குறைந்து வந்த நிலையில் இன்று மீண்டும் அதிகரித்துள்ளது.
சவரனுக்கு ரூ.120 உயர்வு
இன்று காலை நிலவரப்படி, 22 கேரட் ஆபரணத் தங்கம் விலை சவரனுக்கு ரூ.120 உயர்ந்து ரூ. 43,760-க்கு விற்பனை செய்யப்படுகிறது. ஒரு கிராம் ஆபரணத் தங்கம் ரூ. 15 உயர்ந்து ரூ.5,470-க்கு விற்பனையாகிறது.
அதேபோல வெள்ளி கிராமுக்கு 70 பைசா உயர்ந்து ரூ.75.20 க்கும், கட்டி வெள்ளி ஒரு கிலோ ரூ. 75,200-க்கும் விற்பனை செய்யப்படுகிறது.
