சென்னை, மார்ச் 20–
சென்னையில் ஆபரணத் தங்கத்தின் விலை இன்று சவரனுக்கு ரூ.160 உயர்ந்து ரூ.66,480-க்கு விற்பனை செய்யப்படுகிறது.
தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. ஏற்ற, இறக்கத்துடன் காணப்பட்டு வந்த தங்கம் விலை, கடந்த மாதம் 21 ந்தேதி 60 ஆயிரத்தை கடந்து மக்களை அதிர்ச்சியில் ஆழ்த்தியது. பின்னர் படிப்படியாக உயர்ந்து தங்கம் விலை 66 ஆயிரத்தை தொட்டது.
சவரனுக்கு ரூ.160 உயர்வு
கடந்த சில தினங்களாக தங்கம் விலை ஏற்ற இறக்கத்தை சந்தித்து வருகிறது. அந்த வகையில், தங்கம் விலை நேற்று கிராமுக்கு ரூ.40 உயர்ந்து, ரூ.8,290-க்கும், சவரனுக்கு ரூ.320 அதிகரித்து, ரூ.66,320-க்கு விற்பனை செய்யப்பட்டது. இந்த நிலையில், தங்கம் விலை இன்றும் (மார்ச் 20) உயர்ந்துள்ளது.
அதன்படி, சென்னையில் ஆபரணத் தங்கத்தின் விலை இன்று கிராமுக்கு ரூ.20 உயர்ந்து ரூ.8,310-க்கும், சவரனுக்கு ரூ.160 உயர்ந்து ரூ.66,480-க்கும் விற்பனை செய்யப்பட்டு வருகிறது. மேலும், 1 கிராம் வெள்ளி ரூ.114-க்கும், 1 கிலோ வெள்ளி ரூ.1,14,000 க்கும் விற்பனையாகிறது.
