சென்னை, மே 30–
சென்னையில் 22 கேரட் ஆபரணத்தங்கத்தின் விலை சவரனுக்கு ரூ.360 குறைந்து ரூ.53,840க்கு விற்பனை செய்யப்படுகிறது.
மே மாதம் முதலே தங்கம் விலை ஏற்ற இறக்கத்தை சந்தித்து வருகிறது. கடந்த 20 ந்தேதி ஒரு சவரன் ரூ.55,200க்கு விற்றதன் மூலம் வரலாற்றில் அதிகபட்ச விலை என்ற புதிய உச்சத்தை தொட்டது. அதன்பிறகு விலை குறைந்து வந்த நிலையில், கடந்த 3 நாட்களாக விலை ஏற்றம் இருந்தது.
சவரனுக்கு ரூ.360 குறைவு
இந்நிலையில் தங்கம் விலை இன்று அதிரடியாக குறைந்துள்ளது. 22 காரட் ஆபரண தங்கத்தின் விலை கிராமுக்கு ரூ.45 குறைந்து ஒரு கிராம் ரூ.6,730 க்கும், சவரனுக்கு ரூ.360 குறைந்து ஒரு சவரன் ரூ.53,840 க்கும் விற்பனை செய்யப்படுகிறது.
வெள்ளி விலையும் கிராமுக்கு அதிரடியாக ரூ.1.20 குறைந்து ஒரு கிராம் ரூ.101 க்கும் ஒரு கிலோ வெள்ளி ரூ.1,01,000 க்கும் விற்பனை செய்யப்படுகிறது.
