சென்னை, ஜூன் 16–
தங்கம் விலை சவரனுக்கு 120 ரூபாய் குறைந்து ஒரு சவரன் ரூ.74ஆயிரத்து 440-க்கு விற்பனையாகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. தொடர்ந்து, படிப்படியாக உயர்ந்த தங்கம் விலை கடந்த ஏப்ரல் மாதம் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது. இதனையடுத்து, மே மாத தொடக்கத்தில் தங்கம் விலை திடீரென குறைந்த நிலையில், அதன் பிறகு ஏற்ற இறக்கத்தை சந்தித்து வந்தது.
சவரனுக்கு ரூ.120 குறைவு
இந்நிலையில், கடந்த 3 தினங்களாக தொடர் ஏற்றத்தை சந்தித்து வந்தது. அந்த வகையில், கடந்த வாரம் தங்கம் விலை சவரனுக்கு ரூ.2,920 வரை உயர்ந்து மீண்டும் சவரன் ரூ.74 ஆயிரத்தை கடந்து, ஒரு சவரன் ரூ.74,560-க்கு விற்பனையானது.
இந்த நிலையில், வார தொடக்க நாளான இன்று தங்கம் விலை சற்று குறைந்துள்ளது. கிராமுக்கு 15 ரூபாய் குறைந்து ஒரு கிராம் ரூ.9 ஆயிரத்து 305-க்கும் சவரனுக்கு 120 ரூபாய் குறைந்து ஒரு சவரன் ரூ.74ஆயிரத்து 440-க்கு விற்பனையாகிறது. வெள்ளி விலையில் மாற்றமில்லை. ஒரு கிராம் வெள்ளி 120 ரூபாய்க்கும் பார் வெள்ளி ஒரு கிலோ ரூ. 1 லட்சத்து 20 ஆயிரம் ரூபாய்க்கும் விற்பனை செய்யப்படுகிறது.
