சென்னை, ஜன. 28–
சென்னையில் ஆபரணத் தங்கத்தின் விலை சவரனுக்கு 240 ரூபாய் குறைந்து 60,080 ரூபாய்க்கு விற்பனை செய்யப்படுகிறது
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. ஏற்ற, இறக்கத்துடன் காணப்பட்டு வந்த தங்கம் விலை கடந்தாண்டு அக்டோபர் மாதம் ஒரு சவரன் ரூ.59 ஆயிரத்தை கடந்து உச்சத்தை தொட்டது. அதனைத் தொடர்ந்து ஏற்ற இறக்கத்துடன் இருந்த தங்கம் விலை நேற்று சவரனுக்கு 120 ரூபாய் குறைந்து ஒரு சவரன் ரூ.60,320-க்கும் விற்பனையானது.
சவரனுக்கு ரூ.240 குறைவு
இந்த நிலையில் இன்று மீண்டும் தங்கம் விலை குறைந்துள்ளது. அதன்படி நேற்றைய விலையிலிருந்து கிராமுக்கு 30 ரூபாய் குறைந்து 22 கேரட் தங்கம் கிராம் 7,510 ரூபாய்க்கும், சவரனுக்கு 240 ரூபாய் குறைந்து 60,080 ரூபாய்க்கு விற்பனை செய்யப்பட்டு வருகிறது. வெள்ளி விலையில் எவ்வித மாற்றமின்றி நேற்றைய விலைப்படி, ஒரு கிராம் வெள்ளி 104 ரூபாய்க்கும், ஒரு கிலோ வெள்ளி ஒரு லட்சத்து நான்காயிரம் ரூபாய்க்கும் விற்பனை செய்யப்படுகிறது.
