2 நாளில் பவுனுக்கு ரூ.1080 அதிகரிப்பு
சென்னை, ஜூலை 17–
ஆபரண தங்கத்தின் விலை நேற்று சவரனுக்கு ரூ.360 உயர்ந்த நிலையில், ஆடி முதல் நாளான இன்று மீண்டும் பவுனுக்கு ரூ.720 அதிகரித்து ரூ.55,360-க்கு விற்பனையாகிறது.
சென்னையில் ஆபரணத் தங்கத்தின் விலை கடந்த சில நாள்களாக ஏற்ற இறக்கமாக இருந்து வந்தது. இந்த நிலையில், நேற்று ஒரு கிராம் ஆபரணத் தங்கத்துக்கு ரூ.45 அதிகரித்து ரூ.6,830-க்கும், ஒரு சவரனுக்கு ரூ.360 அதிகரித்து ரூ.54,640-க்கும் விற்பனையானது.
சவரனுக்கு ரூ.720 உயர்வு
இந்த நிலையில், ஆடி மாதம் முதல் நாளிலேயே தங்கம் விலை அதிரடியாக சவரனுக்கு ரூ.720 உயர்ந்துள்ளது. அதன்படி, இன்று ஆபரணத் தங்கம் ஒரு கிராமுக்கு ரூ.90 உயர்ந்து ரூ.6,920-க்கும், ஒரு சவரனுக்கு ரூ.720 அதிகரித்து ரூ.55,360-க்கும் விற்பனையாகிறது. நேற்றும் இன்றும் மட்டும் ஆபரணத் தங்கம் விலை சவரனுக்கு ரூ.1080 உயர்ந்து நகைப்பிரியர்களுக்கு அதிர்ச்சியை கொடுத்துள்ளது.
இதேபோன்று வெள்ளி விலையும் சற்று அதிகரித்துள்ளது. நேற்று ஒரு கிலோ கட்டி வெள்ளி ரூ.99,500-க்கு விற்பனையான நிலையில், இன்று அதிரடியாக கிராமுக்கு ரூ.1 உயர்ந்து ஒரு கிராம் வெள்ளி 100.50-க்கும், ஒரு கிலோ கட்டி வெள்ளி ரூ.1,00,500-க்கும் விற்பனையாகிறது.
