சென்னை, ஏப்.15–
22 காரட் ஆபரணத் தங்கத்தின் விலை சவரனுக்கு ரூ.280 குறைந்து ரூ.69,760-க்கும் விற்பனை செய்யப்படுகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. பின்னர் படிப்படியாக உயர்ந்து தங்கம் விலை 68 ஆயிரத்தை தொட்டது.
இதற்கிடையே, கடந்த சில தினங்களுக்கு முன்பு தங்கம் விலை தொடர் சரிவை சந்தித்த நிலையில் ஒரு சவரன் ரூ.65,800-க்கும் விற்பனை செய்யப்பட்டது. பின்னர் அதிரடியாக உயர்ந்த தங்கம் விலை ஏப்ரல் 12 ந்தேதி ரூ.70 ஆயிரத்தை கடந்து வரலாற்றில் புதிய உச்சமாக ரூ.70,160 க்கு விற்பனை செய்யப்பட்டது.
சவரனுக்கு ரூ.280 குறைவு
இதற்கிடைய, நேற்று தங்கத்தின் விலை கிராமுக்கு ரூ.15 குறைந்து ரூ.8,755 க்கும், சவரனுக்கு ரூ.120 குறைந்து ரூ.70,040 க்கும் விற்பனை செய்யப்பட்டது. இந்த நிலையில், தங்கம் விலை இன்று மீண்டும் குறைந்துள்ளது. அதன்படி, சென்னையில் இன்று ஆபரணத் தங்கத்தின் விலை கிராமுக்கு ரூ.35 குறைந்து ரூ.8,720-க்கும், சவரனுக்கு ரூ.280 குறைந்து ரூ.69,760-க்கும் விற்பனை செய்யப்படுகிறது.
வெள்ளியின் விலையை பொறுத்தவரையில், கிராமுக்கு ரூ. 2 உயர்ந்து, ஒரு கிராம் வெள்ளி ரூ.110-க்கும், ஒரு கிலோ கட்டி வெள்ளி ரூ.1,10,000-க்கும் விற்பனை செய்யப்படுகிறது.
