சினிமா

சென்னையை கலக்கும் ‘சூதாட்ட’ பைக் ரேஸ் சினிமா

சென்னையில் ஞாயிறுதோறும் இரவு நேரங்களில் நடைபெறும் சட்டத்துக்கு விரோதமான பைக் ரேஸ் பற்றிய கதை ‘46’. இதில் பந்தயம், சூதாட்டம் என மிகப்பெரிய அளவில் பணம் புழங்குகிறது. இதுபற்றி தீவிரமான ஒரு ஆய்வு மேற்கொண்டு, இது ஏன் நடக்கிறது, இதன் பின்னால் யார் இருக்கிறார்கள் என மிகவும் விரிவாக அதேசமயம் கமர்ஷியல் அம்சங்கள் நிறைந்த பொழுதுபோக்கு படமாக இதை உருவாக்கி வருகிறார் அறிமுக இயக்குனர் டி.ஆர். பாலா.

இந்த சட்ட விரோத பைக் ரேசால் என்னென்ன பின்விளைவுகள் ஏற்படுகின்றன என்பதை அறியாமல் பலரும் கலந்துகொள்கிறார்கள்.. இவர்களின் தவறுகளையும் இந்த திறமையை சிலர் தங்களது சுயலாபத்துக்காக எப்படி பயன்படுத்துகிறார்கள் என்பதையும் இதில் சுட்டிக்காட்டியுள்ளார்கள். அந்தவகையில் இது முழுக்க முழுக்க இளைஞர்களுக்கான படம் என்கிறார் இயக்குனர்.

பைக் ரேஸ் காட்சி தரூபமாக வரவேண்டும் என்பதற்காக பெசண்ட் நகர் பீச்சில் சுமார் 50 பைக் ரேஸர்களை வரவழைத்து, நிஜமான டிராபிக்கை உருவாக்கி, அதில் மிகவும் பரபரப்பாக படப்பிடிப்பை நடத்தினோம்.. இதற்காக தெலுங்கு திரையுலகில் இருந்து ஹைடெக்கான தொழில்நுட்ப உபகரணங்களை வரவழைத்து படப்பிடிப்பை நடத்தினோம்.. குறிப்பாக இந்த ரேஸில் குழந்தை ஒன்று விபத்தில் சிக்கும் காட்சியை மிகத்தத்ரூபமாக எடுத்துள்ளோம்” என்கிறார் டி.ஆர்.பாலா.

இதுவரை இப்படி தெருக்களில் நடக்கும் சட்ட விரோத பைக் ரேஸ் பற்றி இந்தியாவில் எந்த மொழியிலும் படம் வெளியாகவில்லை என்கிறார்.

சென்னையில் நிறைய பைக், ஆட்டோக்களில் 46 என்கிற ஸ்டிக்கர் ஒட்டப்பட்டிருப்பதை நீங்கள் கவனித்திருக்கலாம். இவர்களெல்லாம் இந்த ஸ்ட்ரீட் ரேஸ் விரும்பிகள் தான். வேலன்சியோ ரோஸ்ஸி என்கிற பைக் ரேஸ் ஜாம்பவானின் பைக் எண் தான் 46.. அதை பற்றிய படம் என்பதாலேயே படத்திற்கும் ’46’ என்றே டைட்டில் வைத்துவிட்டோம்” என்கிறார் டி.ஆர்.பாலா.

விஜய் நடித்த வேலாயுதம், ஜில்லா மற்றும் புலி ஆகிய படங்களில் இணை இயக்குனராகப் பணியாற்றியவர் டி.ஆர்.பாலா.

‘காத்திருப்போர் பட்டியலில்’ நடித்த சச்சின் மணி, பீச்சாங்கை ஹீரோ கார்த்திக் இருவரும் கதாநாயகர்களாக நடிக்கின்றனர். புதுமுகங்களான மீனாட்சி, நவினி ஆகியோர் கதாநாயகிகளாக நடிக்க, முக்கிய வேடங்களில் கலக்கப்போவது யாரு புகழ் குரேஷி மற்றும் கியான் நடிக்கின்றனர்.. தயாரிப்பாளர் தேனப்பன், சண்டக்கோழி –2வில் நடித்துள்ள பிரின்ஸ் ஆகியோர் வில்லன்களாக நடிக்கின்றனர்.

வினோத்ராஜன் ஒளிப்பதிவை கவனிக்க, மணிக்குமரன் படத்தொகுப்பை மேற்கொள்கிறார். இவர் சமீபத்தில் வெளியாகி வெற்றிபெற்ற ‘பியார் பிரேமா காதல்’ படத்தின் படத்தொகுப்பாளர் ஆவார். கலை ; ராமு தங்கராஜ் சண்டைப்பயிற்சி ; ஸ்டன்னர் ஷாம் நடனம் ; சாண்டி-அசார்.

Leave a Reply

Your email address will not be published. Required fields are marked *