செய்திகள்

சென்னையில் போலீசார் அதிரடி வேட்டை: 17 கிலோ போதை பொருட்கள் பறிமுதல்

சென்னை, செப். 11–

சென்னையில் போலீசார் நடத்திய அதிரடி வேட்டையில் ஒரு வாரத்தில் 17 கிலோ போதை பொருட்கள் பறிமுதல் செய்யப்பட்டது.

சென்னை பெருநகரில் கஞ்சா மற்றும் போதை பொருட்கள் கடத்தி வருபவர்களையும், விற்பனை செய்பவர்களையும் கண்டறிந்து கைது செய்ய சென்னை மாநகர காவல்துறை கமிஷனர் சந்தீப் ராய் ரத்தோர் “போதை தடுப்புக்கான நடவடிக்கை” ( மூலம் சிறப்பு சோதனைகள் மேற்கொள்ள உத்தரவிட்டதன்பேரில், கூடுதல் ஆணையாளர்கள் அறிவுரையின்பேரில், இணை ஆணையாளர்கள் ஆலோசனையின் பேரில், துணை ஆணையாளர்கள் கண்காணிப்பில், உதவி ஆணையாளர்கள் மேற்பார்வையில். காவல் ஆய்வாளர்கள் தலைமையில் தனிப்படை அமைக்கப்பட்டு, தங்களது காவல் நிலைய எல்லைகளில் தீவிரமாக கண்காணித்து, கஞ்சா மற்றும் போதை பொருட்கள் விற்பனை செய்பவர்களை கைது செய்து நடவடிக்கை எடுத்து வருகின்றனர்.

இதன் தொடர்ச்சியாக காவல் ஆய்வாளர்கள் தலைமையிலான தனிப்படையினர் 4–ந் தேதி முதல் 10–ந் தேதி வரையிலான 7 நாட்கள் தீவிர கண்காணிப்பில் ஈடுபட்டு, கஞ்சா உள்பட போதை பொருட்கள் விற்பனை தொடர்பாக 13 வழக்குகள் பதிவு செய்யப்பட்டு, 25 குற்றவாளிகள் கைது செய்யப்பட்டனர். அவர்களிடமிருந்து 15.35 கிலோ கஞ்சா, 1 கிலோ கஞ்சா சாக்லேட்டுகள், 275 கிராம் ஓப்பியம், 34 கிராம் மெத்தம்பெட்டமைன், 120 உடல்வலி நிவாரண மாத்திரைகள், 5 செல்போன்கள், பணம் ரூ.8,930 மற்றும் 1 கார் பறிமுதல் செய்யப்பட்டது. நடப்பாண்டில் 01.01.2023 முதல் 10.09.2023 வரை, கஞ்சா உள்ளிட்ட போதை பொருட்கள் வழக்கில் கைது செய்யப்பட்ட குற்றவாளிகளில் 49 குற்றவாளிகள், கமிஷனர் உத்தரவின் பேரில், குண்டர் தடுப்புக் காவல் சட்டத்தில் சிறையில் அடைக்கப்பட்டுள்ளனர்.

சென்னை பெருநகர காவல்துறையினர் தொடர்ந்து தீவிர கண்காணிப்பில் ஈடுபட்டு, சட்டவிரோதமாக கஞ்சா மற்றும் போதை பொருட்கள் கடத்தி வருபவர்கள் மற்றும் விற்பனை செய்பவர்கள் மீது சட்டப்படி கடுமையான நடவடிக்கைகள் எடுக்கப்படும் என கமிஷனர் சந்தீப் ராய் ரத்தோர் எச்சரிக்கை விடுத்துள்ளார்.

Loading

Leave a Reply

Your email address will not be published. Required fields are marked *