வாழ்வியல்

சுக்குடன் கொத்தமல்லி இட்டு கஷாயம் செய்து குடித்தால் மூலநோய் தீரும்

சுக்கிற்சிறந்த மருந்தில்லை. சுக்குடன் கொத்தமல்லி இட்டு கஷாயம் செய்து குடித்தால் மூலநோய் தீரும். சுக்கின் மருத்துவ குணங்கள் வருமாறு:–

சுக்கு, ஐந்து மிளகு, ஒரு வெற்றிலை சேர்த்து மென்று தின்று ஒரு தம்ளர் நீர் குடித்தால் தேள், பூரான் கடி விஷம் முறியும்.

சுக்கு, அதிமதுரம் இரண்டையும் தூள் செய்து தேனில் கலந்து சாப்பிட்டுவர குற்றிருமல் குணமாகும்.

தயிர்சாதத்துடன் சிறிது சுக்குப்பொடி இட்டு சாப்பிட்டால், வயிற்றுப்புண் ஆறும்.

சுக்கு (Dry Ginger), மிளகு, பூண்டு, வேப்பிலை இவைகளைச் சேர்த்து கஷாயம் செய்து தினம் மூன்று வேளை வீதம் இரண்டு நாட்கள் குடித்துவர விஷக்காய்ச்சல் குறையும்.

சுக்கு, மிளகு, சீரகம் இட்டு எண்ணெய் காய்ச்சி தலைக்குத் தேய்த்துக் குளித்துவர நீர்க்கோவை நீங்கும். ஈர், பேன் ஒழியும்.

சுக்குத்தூளுடன் உப்பு சேர்த்து பல் துலக்கிவர பல்வலி தீரும். பல்ஈறுகள் பலம் பெறும். வாய்துர்நாற்றம் விலகும்.

Leave a Reply

Your email address will not be published. Required fields are marked *