செய்திகள்

சிலிண்டர் விலை ரூ.100 குறைப்பு: இந்திய ஆயில் நிறுவனம் அறிவிப்பு

Spread the love

சென்னை, ஜூலை 1–

சர்வதேச சந்தையில் எல்.பி.ஜி விலை மற்றும் டாலருக்கு நிகரான இந்திய ரூபாயின் மதிப்பை ஆகியவற்றை கருத்தில் கொண்டு, சமையல் எரிவாயு சிலிண்டர் விலை ரூ.100 குறைக்கப்பட்டுள்ளது.

இந்தியன் ஆயில் கார்ப்பரேஷன் நிறுவனம் வெளியிட்டுள்ள செய்திக் குறிப்பின் படி, இன்று முதல் எல்.பி.ஜி சிலிண்டர்கள் ரூ.100.50 அளவு குறைக்கப்பட்டு விற்கப்படும். அதாவது, மானியம் அல்லாத சிலிண்டர்கள் விலை ரூ.737.50ல் இருந்து ரூ.637ஆக அதிரடியாக குறைக்கப்பட்டுள்ளது.

இதன்மூலம் நாடு முழுவதும் எல்.பி.ஜி சிலிண்டர்கள் பயன்படுத்தும் வீடுகள் நிம்மதி அடைந்துள்ளன. சர்வதேச அளவில் நிலவும் எல்.பி.ஜி விலை மற்றும் டாலர்-ரூபாய் பரிமாற்ற விகிதம் ஆகியவற்றை கருத்தில் கொண்டு, இந்த நடவடிக்கை எடுக்கப்பட்டுள்ளது.

இதேபோல் மானிய எல்.பி.ஜி சிலிண்டர் விலை ரூ.494.35க்கு விற்கப்படுகிறது. ஒரு சிலிண்டருக்கான எஞ்சிய ரூ.142.35 ஆனது, மத்திய அரசால் மானியமாக வழங்கப்பட்டு, அதே தொகை வாடிக்கையாளர்களின் வங்கிக் கணக்குகளில் போடப்படும்.

கடந்த ஜூன் ஒன்றாம் தேதி, எல்.பி.ஜி சிலிண்டர்கள் விலை ரூ.25 உயர்த்தப்பட்டது குறிப்பிடத்தக்கது. மானியம்-அல்லாத எல்.பி.ஜி விலை கடந்த மே மாதம் ரூ.6 அதிகரிக்கப்பட்டது.

Leave a Reply

Your email address will not be published. Required fields are marked *