புதுடெல்லி, ஜன. 8–
சர்வதேச அளவில் கார்கள் விற்பனையில் இந்தியாவுக்கு 3வது இடம் கிடைத்துள்ளது.
சர்வதேச அளவில் கார்கள் விற்பனையில் சீனா முதல் இடத்தில் உள்ளது. 2021 ஆண்டில் சீனாவில் 2.6 கோடி கார்கள் விற்பனை ஆகியுள்ளன. அமெரிக்கா 1.5 கோடி கார்களை விற்பனை செய்து 2-வது இடத்திலும், 44 லட்சம் கார்களை விற்பனை செய்து ஜப்பான் 3-வது இடத்திலும் இருந்தன.
ஆனால், 2022 ஆண்டில், ஐப்பானைவிட கூடுதலாக 50 ஆயிரம் கார்களை விற்பனை செய்து இந்தியா 3-வது இடம் பிடித்துள்ளது. கொரோனா நெருக்கடி காரணமாக 2020-ம் ஆண்டில் கார்கள் விற்பனை 3 லட்சமாக குறைந்தது. அதன்பின் 2022-ல் 42.5 லட்சம் கார்கள் விற்பனை ஆகியுள்ளன. பெட்ரோல், டீசல் கார்களே அதிக எண்ணிக்கையில் விற்பனை ஆகியுள்ளன.
