செய்திகள்

சச்சின் டெண்டுல்கருக்கு இன்று கொரோனா பாதிப்பு

சென்னை, மார்ச் 27–

கிரிக்கெட் உலக ஜாம்பவான் சச்சின் டெண்டுல்கருக்கு கொரோனா பாதிப்பு உறுதி செய்யப்பட்டுள்ளது.

இந்தியாவில் கொரோனா தொற்று, கடந்த 15 நாட்களுக்கும் மேலாக, மீண்டும் அதிகரித்து வருகிறது. இதனையடுத்து, அமீர்கான் உள்ளிட்ட திரை நட்சத்திரங்கள் உள்ளிட்டோரும் பாதிக்கப்பட்டு சிகிச்சை பெற்று வருகின்றனர்.

இந்நிலையில், இந்திய கிரிக்கெட் ஜாம்பவான், சச்சின் டெண்டுல்கருக்கு கொரோனாவின் லேசான அறிகுறி இருந்துள்ளது. இதனையடுத்து அவர் கொரோனா பரிசோதனை செய்துகொண்டார். அதில் அவருக்கு கொரோனா பாதிப்பு உறுதியாகியுள்ளது. இதனை, அவரே தனது டுவிட்டர் பக்கத்தில் தெரிவித்துள்ளார்.

தொற்று உறுதி

மேலும், அவருடைய டுவிட்டர் பதிவில், எங்கள் குடும்பத்தில் அனைவருக்கும் பரிசோதனை செய்யப்பட்டது. வீட்டில் என்னைத் தவிர மற்ற யாருக்கும் கொரோனா பாதிப்பு இல்லை. எனவே, நான் வீட்டிலேயே என்னை தனிப்படுத்திக் கொண்டுள்ளேன். மேலும் மருத்துவ வல்லுநர்களின் ஆலோசனைபடி செயல்படுகிறேன். நாடு முழுக்க உள்ள சுகாதாரத்துறை அலுவலர்களுக்கும் மருத்துவர்களுக்கும் எனக்கு உறுதுணையாக உள்ள மருத்துவகுழுவினருக்கும் நன்றி என்று சச்சின் டெண்டுல்கர் குறிப்பிட்டுள்ளார்.

Leave a Reply

Your email address will not be published. Required fields are marked *