சிறீநகர், ஜூன் 16–
ஜம்மு-காஷ்மீரின் குப்வாரா மாவட்டத்தில் எல்ஓசியின் ஜுமகுண்டா பகுதியில் இன்று காலை பாதுகாப்பு படையினரால் 5 தீவிரவாதிகள் சுட்டுக்கொலை கொல்லப்பட்டனர்.
ஜம்மு காஷ்மீரின் குப்வாரா பகுதியில் பயங்கரவாதிகளை தேடும் நடவடிக்கையில் இந்திய ராணுவம் ஈடுபட்டு வருகிறது. இந்நிலையில் ஜம்மு காஷ்மீர் மாநிலம் குப்வாராவில் பாதுகாப்புப் படையினருக்கும் பயங்கரவாதிகளுக்கும் இடையே மீண்டும் துப்பாக்கிச் சண்டை தொடங்கியது. உளவுத்துறை அளித்த தகவலின் பேரில், பாதுகாப்புப் படையினர் அப்பகுதியில் தேடுதல் வேட்டையில் ஈடுபட்டனர். குப்வாரா மாவட்டத்தில் உள்ள டோப்னார் மச்சலின் எல்லைப் பகுதியில் இந்த நடவடிக்கை மேற்கொள்ளப்பட்டதாக போலீசார் தெரிவித்தனர்.
5 பயங்கரவாதிகள் சுட்டுக்கொலை
போலீசாரும் ராணுவமும் இணைந்து நடத்திய அதிரடி நடவடிக்கையில் 5 பயங்கரவாதிகள் சுட்டுக்கொல்லப்பட்டனர். இவர்கள் அனைவரும் பாகிஸ்தானில் வசிப்பவர்கள். ரகசிய தகவலின் அடிப்படையில், ராணுவம் மற்றும் ஜம்மு-காஷ்மீர் போலீசார் இன்று காலை இந்த நடவடிக்கையை தொடங்கினர், இதில் இந்த பயங்கரவாதிகள் அனைவரும் கொல்லப்பட்டனர். தற்போது அப்பகுதி முழுவதும் தேடுதல் வேட்டை நடைபெற்று வருகிறது.
முன்னதாக ஜூன் 1 ஆம் தேதி, ஜம்முகாஷ்மீரின் பாரமுல்லா மாவட்டத்தில் இரண்டு லஷ்கர்-இ-தொய்பா (LeT) பயங்கரவாதிகளை பாதுகாப்புப் படையினர் கைது செய்தனர். மேலும் அவர்களிடம் இருந்து ஆயுதங்கள் மற்றும் வெடிமருந்துகளையும் மீட்டனர். பாதுகாப்புப் படையினர் ஃப்ரெஸ்டிஹார் வாரிபோரா சந்திப்பில் ஒரு மொபைல் வாகன சோதனைச் சாவடியை (எம்விசிபி) அமைத்துள்ளனர்.
