செய்திகள்

ஏப்ரல் 19 முதல் ஜூன் 1-ந் தேதி வரை தேர்தல் கருத்துக்கணிப்புகளுக்கு தடை

தேர்தல் கமிஷன் உத்தரவு

புதுடெல்லி, மார்ச்.30-

ஏப்ரல் 19 முதல் ஜூன் 1-ந் தேதி வரை தேர்தல் கருத்துக்கணிப்புகளுக்கு தடை விதித்து தேர்தல் கமிஷன் உத்தரவிட்டுள்ளது.

நாடாளுமன்ற தேர்தல் ஏப்ரல் 19-ந் தேதி முதல் ஜூன் 1-ந் தேதி வரை 7 கட்டங்களாக நடக்கிறது. மேலும் ஆந்திரா, ஒடிசா, அருணாசல பிரதேசம் மற்றும் சிக்கிம் ஆகிய 4 மாநில சட்டசபை தேர்தலும் இந்த தேர்தலுடன் நடக்கிறது. இதைப்போல 12 மாநிலங்களில் காலியாக உள்ள 25 சட்டசபை தொகுதிகளுக்கான இடைத்தேர்தலும் இந்த காலகட்டத்தில் நடக்கிறது.

இந்த நாட்களில் தேர்தலுக்கு பிந்தைய கருத்துக்கணிப்பு நடத்தவோ, வெளியிடவோ தடை விதித்து தேர்தல் கமிஷன் உத்தரவிட்டு உள்ளது. குறிப்பாக முதல்கட்ட தேர்தல் நடைபெறும் ஏப்ரல் 19-ந் தேதி காலை 7 மணி முதல் இறுதிக்கட்ட தேர்தல் நடைபெறும் ஜூன் 1-ந் தேதி மாலை 6.30 மணி வரை இந்த கருத்துக்கணிப்புகளுக்கு தடை விதிக்கப்பட்டு உள்ளது.

இதைப்போல வாக்குப்பதிவுக்கு முந்தைய 48 மணி நேரத்தில் கருத்துக்கணிப்பு முடிவுகள், தேர்தல் ஆய்வுகள் தொடர்பான எந்த தகவல்களையும் ஊடகங்களில் வெளியிடவும் தடை விதித்து தேர்தல் கமிஷன் அறிவிப்பு வெளியிட்டு உள்ளது.

Loading

Leave a Reply

Your email address will not be published. Required fields are marked *