செய்திகள்

எக்ஸ்பிரஸ் ரெயில்களில் மீண்டும் உணவு சேவை

சென்னை, நவ. 20–

நீண்ட தூர ரயில் பயணம் மேற்கொள்வோருக்கு வசதியாக, உணவு சேவைகளை மீண்டும் தொடங்க ரயில்வே முடிவு செய்துள்ளது.

கொரோனா தொற்று காரணமாக ரயில் சேவை பெரிதும் பாதிக்கப்பட்டது. தற்போது பாதிப்பு குறைந்து இயல்புநிலை திரும்பி வரும் நிலையில் ரயில்வே துறை தனது வழக்கமான சேவைகளை மீண்டும் படிப்படியாக தொடங்கி வருகிறது.

கொரோனா காலத்தில் அனைத்து எக்ஸ்பிரஸ் ரயில்களும் சிறப்பு ரயில்களாக இயக்கப்பட்டன. தற்போது வழக்கமான பெயர்களில் ரயில்கள் இயக்கப்பட்டு வருகிறது.

ரெயில்வே வாரிய கடிதம்

அந்த வகையில், ரயில்வே வாரியம் இந்திய ரயில்வே கேட்டரிங் மற்றும் டூரிசம் கார்ப்பரேஷன் லிமிடெட்டுக்கு எழுதிய கடிதத்தில், “ரயில் சேவைகளை இயல்பாக்குவதையும், நாடு முழுவதும் நீண்ட தூர ரயில் சேவைகளில், பயணிகளுக்கு உணவு வழங்கும் சேவையை மீண்டும் செயல்படுத்துவதையும் கருத்தில் கொண்டு, மீண்டும் நீண்ட தூர ரயில் சேவைகளில், பயணிகளுக்கு உணவு வழங்க முடிவு செய்யப்பட்டுள்ளது. ரெடி டு ஈட் மீல்ஸ் சேவையும் தொடரும்” என்று அந்தக் கடிதத்தில் தெரிவிக்கப்பட்டுள்ளது.

கொரோனா தொற்று காலத்தில் ரயில் பயணிகளுக்கு வழங்கப்பட்டு வந்த உணவு சேவை நிறுத்தப்பட்ட நிலையில், தற்போது மீண்டும் தொடங்க ரயில்வே முடிவு செய்திருப்பதால், நீண்ட தூர ரயில் பயணம் மேற்கொள்வோர் இனி உணவைப் பற்றி கவலைப்பட தேவையில்லை.

Leave a Reply

Your email address will not be published. Required fields are marked *