செய்திகள்

இங்கிலாந்து பாப் பாடகர் லியாம் பெய்ன் ஓட்டல் 3-வது மாடியிலிருந்து விழுந்து உயிரிழப்பு

Makkal Kural Official

பியூனஸ் அயர்ஸ், அக். 17–

இங்கிலாந்து பாப் பாடகர் லியாம் பெய்ன் ஓட்டல் ஒன்றின் 3வது மாடி பால்கனியில் இருந்து கீழே விழுந்து உயிரிழந்தார். அவருக்கு வயது 31.

ஒன் டைரக்‌ஷன் (1டி) என்ற பாப் இசைக் குழுவின் மூலம் இங்கிலாந்தை சேர்ந்த லியாம் பெய்ன் பிரபலமானார். கடந்த 2008 முதல் அவர் இசைத்துறையில் இருந்து வருகிறார். இங்கிலாந்து தொலைக்காட்சி ஊடகம் ஒன்றில் ஒளிபரப்பான ‘தி எக்ஸ் பேக்டர்’ மூலமாக வாய்ப்பை பெற்ற இவர், பின்னர் தனியாக பாப் பாடல்கள் பாடி இசை ஆல்பம் வெளியிட்டார்.

இவர் தனது தோழியுடன் கடந்த செப்டம்பர் 30-ம் தேதி முதல் அர்ஜெண்டினாவில் விடுமுறையை கழித்துவந்தார். இந்நிலையில், கடந்த 14-ம் தேதி அவரது தோழி அர்ஜெண்டினாவில் இருந்து சென்றுள்ளார். பின்னர் வேறொரு ஓட்டலில் லியாம் பெய்ன் அறை எடுத்து தங்கியுள்ளார். அங்கு 1டி குழு நண்பரின் இசை நிகழ்ச்சியில் பங்கேற்க இருந்தார். இந்த சூழலில் நேற்று புதன்கிழமை மாலை ஓட்டல் லாபியில் ஆண் ஒருவர் ஆக்ரோஷத்துடன் நடந்து கொள்வதாக அவசர உதவி எண்ணுக்கு புகார் சென்றுள்ளது.

இந்த நிலையில் ஓட்டலின் 3வது மாடியில் இருந்த தனது அறையின் பால்கனியில் இருந்து கீழே விழுந்து உயிரிழந்துள்ளார். இது தற்கொலையா அல்லது போதையில் தவறி விழுந்தாரா என்பது குறித்து விசாரணை நடந்து வருவதாகவும் தகவல் கிடைத்துள்ளது. அவருக்கு போதை பழக்கம் இருப்பதாக கடந்த ஆண்டு பேட்டி ஒன்றில் தெரிவித்தார். அதை தவிர்க்க பயிற்சி மேற்கொண்டு வருவது குறித்தும் அவர் சமூக வலைதளத்தில் தெரிவித்திருந்தது குறிப்பிடத்தக்கது.

Loading

Leave a Reply

Your email address will not be published. Required fields are marked *