செய்திகள்

ஆகஸ்ட் 2 : தங்கம் விலை குறைவு; வெள்ளி விலை உயர்வு

சென்னை, ஆக. 2–

சென்னையில் ஆபரணத் தங்கத்தின் விலை இன்ற சவரனுக்கு ரூ.96 குறைந்து ரூ.36,288க்கு விற்பனையாகிறது.

சென்னையில் தங்கம் விலை கடந்த மாதம் தொடர்ந்து ஏற்ற, இறக்கத்தை சந்தித்து வந்தது. ஒரு நாள் குறைந்தால் மறுநாள் அதிகரித்து ரூ.36 ஆயிரத்திலேயே நீடித்து வந்தது. பெரியளவில் மாற்றம் ஏதும் இருக்கவில்லை. இதைத்தொடர்ந்து, இம்மாதத்தின் முதல் நாளான நேற்று ஞாயிற்றுக் கிழமை என்பதால் தங்கம் விலை எந்த மாற்றமும் இன்றி ரூ.36,384க்கு விற்பனையானது. இந்த நிலையில், இன்று தங்கம் விலை சவரனுக்கு திடீரென ரூ.96 குறைந்துள்ளது.

வெள்ளி உயர்வு

இன்றைய நிலவரத்தின் படி சென்னையில் ஆபரணத் தங்கத்தின் விலை கிராமுக்கு ரூ.12 குறைந்து ரூ.4,536க்கு விற்பனையாகிறது. அதன் படி, சவரனுக்கு ரூ.96 குறைந்து ரூ.36,288க்கு விற்பனையாகிறது. மேலும் வெள்ளி விலை கிராமுக்கு 10 காசுகள் அதிகரித்து ஒரு கிராம் வெள்ளி ரூ.73.10க்கும் ஒரு கிலோ வெள்ளி ரூ.73,100க்கும் விற்பனையாகிறது.

Leave a Reply

Your email address will not be published. Required fields are marked *