சென்னை, நவ. 12–
சென்னையில் தங்கம் விலை இன்று அதிரடியாக சவரனுக்கு ரூ.1,080 குறைந்துள்ளது. வெள்ளியின் விலையும் கிராமுக்கு ரூ.2 குறைந்துள்ளது.
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.தங்கம் விலை இந்த ஆண்டு தொடக்கத்தில் இருந்து ஏற்ற, இறக்கத்துடன் காணப்பட்ட நிலையில், கடந்த மாதம் 30ம் தேதி ஒரு சவரன் ரூ.59 ஆயிரத்தை கடந்த புதிய உச்சத்தை எட்டியது. தீபாவளி நாளன்று (31–ந்தேதி) ரூ.59,640 என்ற வரலாறு காணாத உச்சத்தை அடைந்தது.
இதனை தொடர்ந்து தங்கம் விலை ஏற்ற, இறக்கத்துடன் காணப்பட்டு வந்த நிலையில், கடந்த சில நாட்களாக சரிவை சந்தித்து வருகிறது.
கடந்த 7–ந்தேதி சவரனுக்கு ரூ.1,320 குறைந்து ரூ.57,600-க்கு விற்பனையானது.
நேற்று தங்கம் விலை சவரனுக்கு ரூ.430 குறைந்து ரூ.57,760-க்கு விற்பனை செய்யப்பட்டது.
இந்த நிலையில் தங்கம் விலை இன்று அதிரடியாக குறைந்தது. அதன்படி, சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.1,080 குறைந்து ரூ.56,680-க்கும், கிராமுக்கு ரூ.135 குறைந்து ரூ.7,085-க்கும் விற்பனை செய்யப்படுகிறது. கடந்த 12 நாட்களில் மட்டும் தங்கம் விலை சவரனுக்கு ரூ.2,960 விலை குறைந்துள்ளது குறிப்பிடத்தக்கது. அதேபோல வெள்ளியின் விலையும் குறைந்துள்ளது. ஒருகிராம் வெள்ளியின் விலை ரூ.2 குறைந்து 100 ரூபாய்க்கு விற்பனை செய்யப்பட்டு வருகிறது.
